قواااااانين

أشتقتلكـ · عدد الرسائل: 35 تاريخ التسجيل: 16/08/2008

قانون الطابور:
إذا صاف في سرى بطيء وقمت غيرته، سراك اللي غيرته فجأة يصير يمشي أسرع من اللي انت الحين فيه!!

قانون التلفون:

عمرك ما تتصل على رقم غلط ويطلع مشغول!!

قانون البحث:

فيه أغراض ما تحتاجها دائما تلقاها بوجهك ، وإذا احتجتها ما راح تلقاها !!!

قانون التصليح:
بعد ما يديــنـك يزيتوا من شحم الماكينة، خشمك يبدأ يحك!!

قانون المعدات:

إذا طاح من يدك أي شي، تأكد انه بيظل يتـدحرج إلى أن يوصل لألعن مكان ما تقدر تطلعه منه!!

قانون الأعذار:

إذا تأخرت عن الدوام وقلت لرئيسك أن كان عندك بنشر في الكفر، اليوم اللي بعده كفرك يبنشر!!

قانون المغطس:

بعد وضع جسمك في الماء، يبدأ التلفون يرررررن وما يسكت!!

قانون الالكترونيات:
إذا أخذت جهاز عند مصلح تبي توريه انه ما يشتغل، حزتها يشتغل أحلى كلام!!

قانون السينما:
اللي حاجزين كراسي في النص لازم يجون آخر ناس ويدوسون على رجولك!!

قانون القهوة:

أول ماتجيب لك كاس قهوة ساخن، يجي رئيسك ويعطيك شغلة ما تخلص الا لما تبرد قهوتك!!

قانون المصادفات:
إذا كنت في مكان عام ماتبي أحد يشوفك فيه، فجأة كل اللي تعرفهم يطلعون من كل مكان!!

لووووووووول

ندى الآيام

ههههههه
والله انك صادق
ماادري ليه تصير
معنا هالاشياء هذي
يسلمووووو
يعطيك العافيه
تقبل مروري:
ندى الآيام